Фирмата станар Брокер ја доби наградата World Summit Award

Фирмата станар во ПСМ, Брокер (www.broker.com.mk) ја доби наградата World Summit Award за е-бизнис и трговија во Македонија (www.wsa.org.mk) и ќе се натпреварува на глобално ниво за светската награда (www.wsis-award.org/index.wbp).

World Summit Award (WSA) е глобална иницијатива која има цел да избере и промовира најдобри светски e-Content и иновативни ИКТ апликации.

WSA активностите вклучуваат: национални натпревари и селекција на најдобри практики, глобален натпревар кој се одржува секои две години и содржински фокусиран национален и интернационални конференции со саеми – WSA Road Show.

WSA работи да го зајакне претприемништвото во областа на контент индустриите и да придонесе за економски и културен развој преку креативно користење на ИКТ.

Заврши првата обука на Cisco Entrepreneurship Institute

Кон крајот на декември заврши првата обука во ПСМ Фондација за Cisco Entrepreneurship Institute (www.ciscoinstitute.net) со која се обучија 15 млади луѓе од Општина Гази Баба за започнување на сопствен бизнис. По завршувањето на обуката, 5 нови бизниси беа започнати од кој еден стана фирма станар во Инкубаторот.

Во тек е втората обука за Cisco Entrepreneurship Institute која ќе трае до почетокот до март.

Инаку Cisco Entrepreneurship Institute обуките се дел од заедничкиот проект на ПСМ Фондација (www.yesincubator.org.mk), Општината Гази Баба (www.gazibaba.gov.mk) и УСАИД/ МЛГА (http://macedonia.usaid.gov/index.htm) за учење на претприемнички вештини за млaди и невработени луѓе од Општината Гази Баба. Како дел од овој проект 60 млади, невработени луѓе, ќе бидат обучени и запознаени со он лајн содржината на курсот и видео материјалите, кој ќе им овозможи проширување на нивните бизнис знаења и стимулира претприемничкиот дух меѓу нив. По завршувањето на проектот сите 60 слушатели се очекува да подготват целосен бизнис план. Најдобрите три бизнис планови, од сите 4 групи ќе бидат наградени со финансиска награда.

Во март ќе започнат уписите за третата рунда на обуки. Сите заинтересирани може да аплицираат на cisco@yesincubator.org.mk

Обуки во ПСМ Инкубатор

На 28 и 29 јануари се одржа дводневна обука за фирмите станари од ПСМ во соработка со компанијата за бизнис и менаџмент консалтинг D2EM консалтинг (www.d2emconsulting.com). Темата на обуката беше продажни вештини.

Повеќето од фирмите во ПСМ партиципираа и се планира и во блиска иднина организирање на слични обуки со цел јакнење на вештините и знаењето на ПСМ фирмите и подобрување на нивната перформанса.

На 12 и 19 февруари за потребите на ПСМ, а во соработка со Синиша Пекевски, ќе се одржат обуки на тема брендирање (што е бренд, како се креира бренд, познати светски и македонски брендови) и колку е важно тоа за ИКТ секторот.

Сите заинтересирани можат да аплицираат на info@yesincubator.org.mk